Dam olish kuni boʻlishiga qaramasdan ertalabdan soat 06:00 da yig’ilishdamiz

2025-06-04

Ijtimoiy tarmoqlarda "Dam olish kuni boʻlishiga qaramasdan ertalabdan soat 06:00 da yig’ilishdamiz" mazmunida xabarlar tarqaldi. Unda murojaatchi Qo‘shko‘pir tumani hokimi Shuhrat Axmedov 7 kunlik Xitoy davlatida dam olishdan qaytgan kuni mahalla yettiligi uchun dam olish kuni bo'lishiga qaramasdan ertalab soat 06:00 da yig’ilish oʻtkazganligida noroziligini bildirgan.

Ushbu holat yuzasidan Xorazm viloyati Kambag'allikni qisqartirish va bandlik  boshqarmasi Davlat mehnat  inspeksiyasi tomonidan xodimlarning kafolatlangan mehnat huquqlari o'rganib chiqildi. O'rganish natijalariga ko'ra, shuni ma'lum qilamizki, xodimlarning ish vaqtidan tashqari vaqtda ishga jalb qilinganlik hamda yig'ilish o'tkazganlik holati o'z tasdig'ini topmadi.

Xorazm viloyati Kambag'allikni qisqartirish va bandlik boshqarmasi Axborot xizmati