YOSHLAR BILAN UCHRASHUV

2024-04-16

YOSHLAR BILAN UCHRASHUV

Mamlakatimizda yoshlarning talab va ehtiyojlarini o'rganish, mushkulini oson qilish, hayotdan roziligini ta'minlash, iste'dod va iqtidorlarini qo'llab-quvvatlab,  qanot bo'lib, ishonch bag'ishlashga katta e'tibor qaratilmoqda.

Xorazm viloyati Kambag'allikni qisqartirish va bandlik bosh boshqarmasi boshlig'ining  Gurlan tumani Yormish mahallasidagi 3-son kasb-hunar maktabi binosida o'tkazgan  "Yoshlar bilan uchrashuv"i ham yuqoridagi so'zlarimizga dalolatdir.

Ta'kidlash joizki, ushbu mahalladagi  33  nafar yoshlar  bosh boshqarmasi boshlig'iga biriktirilgan bo'lib, ularning 9 nafari chet elga ishlash uchun ketganligi sabab, ushbu uchrashuvda 24 nafari  ishtirok etishdi va  doimiy ishga joylashish, subsidiya olish hamda imtiyozli kreditlardan foydalanish borasida o'zlarini qiynayotgan savollar bilan murojaat qilishdi

📄Har bir savol va murojaatlarning ijrosi nazoratga olindi.

✅Shuningdek, muloqotlarda til o'rganish, bilim olish, kitob o'qish, kasb-hunar egallashdan to'xtamaslik, maqsad sari intilish - insonni kamolotga yetaklashi hayotiy misollar orqali tushuntirildi.

Xorazm viloyati Kambag'allikni qisqartirish va bandlik bosh boshqarmasi Axborot xizmati