47 ta mahalla hokim yordamchilari ishtirokida seminar boʻlib oʻtdi.

2024-05-03

Hazorasp tuman Kambagʻallikni qisqartirish va bandlikka koʻmaklashish boʻlimi boshligʻi T.Kuryazov boshchiligida 47 ta mahalla hokim yordamchilari ishtirokida “Navroʻz” mahallasida yashovchi X.Doʻschanov xonadonida seminar boʻlib oʻtdi.

Seminarda  Xayrullo Doʻschanovning «Sayxunobod tajribasi” asosida shaxsiy tomorqa xoʻjaliklarida yerdan samarali foydalanish, qoʻshimcha tarmoqlarni tashkil qilish orqali oila daromadini oshirish borasida amalga oshirilayotgan ishlari bilan tanishdilar.

Maʼlumot oʻrnida aytib oʻtmoqchimizki, bugungi kunda viloyatimizdagi barcha mahallalarda «Sayxunobod tajribasi” asosida shaxsiy tomorqalaridan unumli foydalanib, issiqxonalar tashkil qilib, pomidor, bodring yetishtirib, qoramol, qoʻy-echki, parranda boqish yoʻlga qoʻyilmoqda. Shuningdek, koʻpgina xonadonlarda intensiv usulda baliq, biogomus, gul koʻchatlari yetishtirilmoqda. Ayniqsa, imtiyozli bank kreditlaridan foydalangan holda asalarichilik, qoʻziqorin yetishtirish kabi serdaromad ishlar  mahalla ahlining kundalik yumushiga aylanmoqda-desak, mubolagʻa boʻlmaydi.

Xorazm viloyati Kambag'allikni qisqartirish va bandlik bosh boshqarmasi Axborot xizmati