NOINSOF BO’LMAYLIK

2024-06-20

RASMIY MUNOSABAT

NOINSOF BO’LMAYLIK

Ijtimoiy tarmoqlarda “maoshimiz qilgan mehnatimizga yarasha emas, oylik oz – ish ko’p” degan mazmunda xabar tarqaldi. Unda murojaatchi “Khorezm Insulation Group” Termo plus korxonasida ishlashini va  ushbu shikoyatni ishchilar nomidan yozayotganligini bildirgan.Hozirgi kunda olayotgan 3 mln so’m oylik maoshi yetmasligini aytib, mas’ullardan miqdorini oshirib berishni so’ragan.

Ushbu holat yuzasidan Xorazm viloyati Kambag'allikni qisqartirish va bandlik bosh boshqarmasi shuni ma’lum qiladiki: korxona xususiy bo'lganligi sababli, bu masala uning ichki ishi hisoblanadi.Shuni unutmaslik kerakki, korxona o'z foydasidan kelib chiqib, xodimlarga oylik maosh taqsimlaydi, lekin qonunan, xususiy korxonalar tomonidan berilayotgan oylik maosh - eng kam oylik ish haqidan kam bo'lmasligi kerakligi belgilangan.Murojaatchi o’z so’zida oylik maoshi 3 mln so’m ekanligini bildirgan.Bundan kelib chiqadiki, korxona ishchilari olaigan oylik maosh Respublikadagi eng kam oylik ish haqidan baland.

Yana bir marotaba ta’kidlaymiz, bu – korxonaning ichki masalasi .Shu  sababli, ishchilar korxona yillik daromadi oshishini kutishi va bor kuch-g’ayratlarini safarbar etgan holda ishlab, keyinchalik oylik maoshi oshirilishi bo’yicha bir ovozdan rahbariyatiga taklif kiritishi maqsadga muvofiq.

Xorazm viloyati Kambag'allikni qisqartirish va bandlik bosh boshqarmasi Axborot xizmati