MAHALLA YETTILIGI UCHUN AMALIY SEMINARLAR O'TKAZILMOQDA

2024-07-11

MAHALLA YETTILIGI UCHUN AMALIY SEMINARLAR O'TKAZILMOQDA 

 9-11-12-iyul kunlari viloyatimizning barcha tuman-shaharlarida  “Mahalla yettiligi aʼzolarining mahalladagi faoliyatini samarali tashkil etishga oid bilim va koʻnikmalarini oshirish boʻyicha” oʻquv-amaliy seminarlar oʻtkazilishi belgilangan. 

Belgilangan reja grafikka asosan,seminar bugun Xiva shahri, Xiva hamda  Yangiariq tumanlarida boʻlib oʻtdi. Unda Oʻzbekiston  mahallari uyushmasi raisi maslahatchisi Markaz direktori oʻrinbosari, Oʻzbekiston mahallalari uyushmasi viloyat boshqarmasi boshligʻi, Oila va xotin-qizlar boshqarmasi bosh mutaxassisi, Davlat  soliq katta inspektori, Xorazm viloyati Kambag’allikni qisqartirish va bandlik bosh boshqarmasi shoʻba mudiri, Yoshlar ishlari agentligi viloyat boshqarmasi boʻlim boshligʻi ishtirok etdi.

 🎙Seminarda soʻzga chiqqan, Xorazm viloyati Kambag’allikni qisqartirish va bandlik bosh boshqarmasi shoʻba mudiri Dadaxon Quramboyev yig’ilganlarga hokim yordamchisining asosiy vazifalari, bandlik dasturining ijrosi, mehnat migratsiyasidan qaytgan shaxslar bilan ishlash va ularni bandligini taʼminlash, biriktirilgan tijorat banklari bilan birgalikda aholi tomorqalaridan samarali foydalanish va uy xoʻjaliklarini rivojlantirish, “Sayxunobod va Uychi tajribalari”ni amaliyotga tadbiq etishning mexanizmlari, mahallalarni ishsizlik va kambagʻallikdan holi hududga aylantirish  borasida olib borilayotgan ishlar xususida ma’lumot berdi.

 💬 Ochiq va samimiy ruhda o’tgan ushbu seminarlarda fuqarolar o’zlarini qiziqtirgan savollari bilan murojaat qilib, mas’ullardan javob oldilar.

 Xorazm viloyati Kambag'allikni qisqartirish va bandlik bosh boshqarmasi Axborot xizmati