МАҲАЛЛА ЕТТИЛИГИ УЧУН АМАЛИЙ СEМИНАРЛАР ЎТКАЗИЛМОҚДА

2024-07-11

МАҲАЛЛА ЕТТИЛИГИ УЧУН АМАЛИЙ СEМИНАРЛАР ЎТКАЗИЛМОҚДА

  9-11-12 июль кунлари вилоятимизнинг барча туман-шаҳарларида  «Маҳалла еттилиги аъзоларининг маҳалладаги фаолиятини самарали ташкил этишга оид билим ва кўникмаларини ошириш бўйича» ўқув-амалий семинарлар ўтказилиши белгиланган. 

Белгиланган режа графикка асосан,семинар бугун Хива шаҳри, Хива ҳамда  Янгиариқ туманларида бўлиб ўтди. Унда Ўзбекистон  маҳаллари уюшмаси раиси маслаҳатчиси Марказ директори ўринбосари, Ўзбекистон маҳаллалари уюшмаси вилоят бошқармаси бошлиғи, Оила ва хотин-қизлар бошқармаси бош мутахассиси, Давлат  солиқ катта инспектори, Хоразм вилояти Камбағалликни қисқартириш ва бандлик бош бошқармаси шўба мудири, Ёшлар ишлари агентлиги вилоят бошқармаси бўлим бошлиғи иштирок этди.

 🎙Семинарда сўзга чиққан, Хоразм вилояти Камбағалликни қисқартириш ва бандлик бош бошқармаси шўба мудири Дадахон Қурамбоев йиғилганларга ҳоким ёрдамчисининг асосий вазифалари, бандлик дастурининг ижроси, меҳнат миграциясидан қайтган шахслар билан ишлаш ва уларни бандлигини таъминлаш, бириктирилган тижорат банклари билан биргаликда аҳоли томорқаларидан самарали фойдаланиш ва уй хўжаликларини ривожлантириш, «Сайхунобод ва Уйчи тажрибалари»ни амалиётга тадбиқ этишнинг механизмлари, маҳаллаларни ишсизлик ва камбағалликдан ҳоли ҳудудга айлантириш  борасида олиб борилаётган ишлар хусусида маълумот берди.

 💬 Очиқ ва самимий руҳда ўтган ушбу семинарларда фуқаролар ўзларини қизиқтирган саволлари билан мурожаат қилиб, масъуллардан жавоб олдилар.

Хоразм вилояти Камбағалликни қисқартириш ва бандлик бош бошқармаси Ахборот хизмати