“Biz korrupsiyaga qarshimiz”

2023-11-27

 “Biz korrupsiyaga qarshimiz”

 “Korrupsiyaga qarshi kurashish oyligi” doirasida tashkil etilayotgan  “Biz korrupsiyaga qarshimiz” shiori ostidagi o’quv seminarlarining navbatdagisi Xiva shahar Kambagʻallikni qisqartirish va bandlikka koʻmaklashish boʻlimida bo’lib o’tdi.

Oʻquv seminarda Xiva shahar Adliya boʻlimi boshligʻi J.Mirzayev, Yuridik xizmat markazi boshligʻi D.Razzokovlar ishtiroq qilib, 8-dekabr Oʻzbekiston Respublikasi Konstitutsiyasining qabul qilinganligi va 9-dekabr Xalqaro korrupsiyaga qarshi kurashish kuni munosabati bilan tadbir qatnashchilariga  Oʻzbekiston Respublikasi Konstitutsiyasidagi gʻoya va asosiy tamoyillarning mazmuni toʻgʻrisida tushuntirishlar berdilar. Shuningdek tizimdagi tashkilotlarda korrupsiyaga qarshi kurashish va uning oldini olishga qaratilgan maqsadli tadbirlarni oʻtkazish lozimligini bildirdilar.

O'quv seminarlari joylarda davom etadi

Xorazm viloyati Kambag'allikni qisqartirish va bandlik bosh boshqarmasi Axborot xizmati