ДАСТЛАБКИ МУНОСАБАТ

2025-07-10

ДАСТЛАБКИ МУНОСАБАТ
«Мен бехабар номимга иш ҳақлари ҳисоблашган»
Ижтимоий тармоқларда юқоридаги сарлавҳали хабар эълон қилинди.Унда мурожаатчи Хоразм вилояти, Хива шаҳри, Қиёт МФЙда яшовчи фуқаро Бекчанов Жўшқин Махсуд ўғли 2-гуруҳ ногирони эканлиги, ҳозир ишсиз бўлсада, 2025 йил февраль ойидан буён уни огоҳлантирмасдан розилигисиз, номаълум шахслар томонидан шахсий маълумотларидан ноқонуний фойдаланилиб, турли МЧЖларга ишга жойлаштириш ҳолати амалга оширилганлиги билдирган.

«-…ҳозирги кунгача менга жами 5 та сохта иш ҳақлари ҳисобланган. Ушбу ҳолат (мй.солиқ.уз ва мй.гов.уз платформаларида) ҳам акс этган» – дейилади хабарда.

Ҳозирда ушбу ҳолат юзасидан Хоразм вилояти Камбағалликни қисқартириш ва бандлик бошқармаси томонидан ўрганиш бошланганлигини маълум қиламиз.
Ўрганиш якуни бўйича қўшимча ахборот берилади.