🎙Эфирда — меҳнат ҳуқуқи!

2025-02-27

🎙Эфирда — меҳнат ҳуқуқи!
Хоразм вилояти Камбағалликни қисқартириш ва бандлик бошқармаси Давлат меҳнат инспекцияси Хоразм телерадиокомпанияси билан ҳамкорликда янги лойиҳани бошлади.

📻 Энди ФМ 106.7 — Хоразм радиоси тўлқинида ҳар куни меҳнат ҳуқуқига оид долзарб саволларга қисқа, аниқ ва тушунарли жавоблар бериб борилади.Бу шунчаки эшиттириш эмас.Бу — Меҳнат кодексини очиб бериш, уни оддий фуқаро тилида тушунтириш, қонунни қоғоздан ҳаётга олиб чиқиш ташаббуси.

Ишдан ноқонуний бўшатишдими?Меҳнат шартномаси қандай тузилади?Иш вақти, таътил, моддий жавобгарлик масалалари қандай тартибга солинади?

🎧Ҳар куни эфирда — халқни қийнаётган муаммолар, ҳаётий мисоллар, қонуний ечимлар.

Мақсад битта:

⚖️Меҳнат муносабатларида адолатни мустаҳкамлаш.📖Ҳуқуқий саводхонликни ошириш.🤝Иш берувчи ва ходим ўртасида соғлом муносабатни шакллантириш.
Агар сизни меҳнатга оид масалалар ўйлантираётган бўлса —радиони ёқинг. Саволингизга жавобни тингланг.

Агар Инспекцияга мурожаатингиз бўлса  (62) 224-12-23 телефони орқали боғланишингиз мумкин.

ФМ 106.7 — қонун сизга янада яқинроқ.