#семинар ЕР БЎШ ҚОЛМАСИН — ҲАР ҚАРИЧ ЕР ДАРОМАДГА АЙЛАНСИН!

2026-03-14

#семинар
ЕР БЎШ ҚОЛМАСИН — ҲАР ҚАРИЧ ЕР ДАРОМАДГА АЙЛАНСИН!

🌱Урганч тумани «Беруний» маҳалласида аҳоли томорқа ва ижара ерларидан самарали фойдаланиш масалаларига бағишланган амалий семинар ташкил этилди.

Тадбирда мутасаддилар, маҳалла фаоллари ҳамда ер эгаларига деҳқончиликни тўғри йўлга қўйиш, ҳосилдорликни ошириш ва мавжуд имкониятлардан унумли фойдаланиш бўйича муҳим тавсиялар берилди.

🌾Семинар давомида томорқа — оддий ер майдони эмас, балки оила даромади ва озиқ-овқат хавфсизлигини таъминлайдиган муҳим манба экани алоҳида таъкидланди. Мутахассислар томонидан экинларни тўғри жойлаштириш, замонавий агротехнологияларни қўллаш ҳамда давлат томонидан ажратилаётган субсидия ва имтиёзлардан фойдаланиш йўллари батафсил тушунтирилди.

📊Тадбирда қайд этилганидек, вилоятда юз минглаб томорқа эгалари мавжуд бўлиб, минглаб гектар ер майдонларида баҳорги экинларни экиш режалаштирилган. Шу боис, ҳар бир қарич ер бўш қолмаслиги, у оилалар фаровонлигига хизмат қилиши кераклиги таъкидланди.

🤝Семинар якунида маҳаллаларда томорқа ва ижара ерларини тўлиқ экиш, аҳолига амалий кўмак бериш ҳамда тарғибот ишларини кучайтириш бўйича аниқ вазифалар белгиланди.

🌱Томорқа — меҳнат қилган одам учун даромад манбаи.

📌Бундай амалий семинарлар эса аҳолига ер билан ишлашни янада самарали йўлга қўйишга хизмат қилади.